Aavasaksa 18.1.2013

 18.1.2013 Lähimpä ajehleen mutkan Aavasaksala aamusta heti, että sais sitte päivän kyttäilä, jos niitä punatulkkuja alkas minunki linnunruokintapaikala näkyhmään. Ny on kyllä iltapäivä, ko tässä kirjottelen.. ei ole punatulkkuja näkyny.. vain talitiasia ja sinitiasia.. niitten takia tässä mennee tuota filmiäki aivan hukhan, ko tullee aina sillontällöin kuva napsastua.. joskus tuntuu, että kävis ees vaikka harakka, tikka, tilhi tai orava.. mutta ei auta itku markkinoila, eikä Ahonkujala..

 Keisarinmaja  lumisen Aavasaksan päälä..

klasit on huurussa.. ei ole taittu uunia lämmittää..

 Eikä ole keisari ees porthaita lakassu..

mutta komea on pojala mökki..

 niin on kuurassa, ettei väriä erota..

ja tämmönen on aina pakko laittaa..

sielä se taihvanranta hehkuu aamusta..